開始聽陳蕾大概要回想到那年的一首《出走》。
咦？OK喎⋯⋯
於是每次見到佢出新歌都會自然聽下，聽下聽下，就鍾意上佢。
絕對無迷人臉蛋，聲線亦算不上得天獨厚，但佢有份氣質（仙氣？），我覺得係一種落地的氣質。
有機會現場看演唱會，說實在，本來沒有很大期望，結果卻滿足離場。
以為會唱很多她自己名不經傳的歌，怎料唱足兩個鐘都識，而且不少已經早放在自己跑步歌單。
演唱會準時八點半開始，說話不多，連唱，encore，再真encore，音樂音響都很好，而當中只有一首國語歌，一首日文歌，其餘全部廣東歌。
P.S. 我從來無離棄嘅廣東歌。
特別深刻演繹《我想和你好好的》、《你快樂嗎》、和嘉賓岑寧兒合唱的《勿念》、Mirror的rock版《Warrior》、真encore的《凡星》，現場表現有感染力，真心享受。
演唱會頭一百分鐘基本上沒有講嘢，專心唱歌，都後來有少少吹水環節，見佢都得心應手，自信滿滿，不禁對佢未來發展有所期待。
我不知道陳蕾在香港可以走幾遠，但演唱會令我又鍾意佢多一點。
